Concentración en defensa do común

O COMÚN. Os Campos da Coruña, -O Campo da Estrada, O Campo da Leña, Santo Agostiño,…,- situados no perímetro da Antiga Cidade Medieval, foron terreos comunais de uso público de veciñas e veciños. Son parte do gran patrimonio público de Galicia.
Na súa condición de Praza Forte, pasou a mans da antiga Capitanía Xeral do Reino de Galicia, entre os séculos XVI, XVII e XVIII, e a mans da Administración Central do Estado, entre os séculos XIX e XX. No ano 1840 o goberno municipal solicitou a devolución dos terreos: “… o terreo de que se trata non pode pertencer á nación, pois é de dominio deste pobo …”
Na actualidade as murallas e os sistemas defensivos da cidade, ao descuberto ou soterradas, son inseparables do núcleo histórico da cidade e protexidas polo seu valor cultural, BIC, por seren Patrimonio Histórico, Cultural, Arquitectónico e Arqueolóxico de Galicia.

A POXA. O Ministerio de Defensa anunciou o pasado día 24 de febreiro, no Boletín Oficial do Estado, a poxa pública de tres parcelas situadas no Campo da Estrada, na Maestranza, e coa que pretende ingresar unha contía superior aos 24,8 millóns de euros. Operación canalizada a través do Instituto de Vivenda, Infraestrutura e Equipamento de Defensa (INVIED), organismo autónomo que xestiona a venda de propiedades militares-.
Os terreos formaron parte do sistema de protección da cidade para a súa defensa, e na actualidade, son de uso cotiá polos coruñeses e coruñesas; un total de 5.316 metros cadrados, 29.262 metros cadrados edificables.
Como confirman os convenios asinados co Concello da Coruña, O Ministerio de Defensa é o titular destes espazos. Véxase o convenio asinado no ano 1984, que recolle entre os seus obxectivos e determinacións as seguintes:

“Plasmar en la futura ordenación urbanística las nuevas características para una parte de la Ciudad Vieja de A Coruña, en instalaciones que defensa pretendía adecuar a usos distintos de los en su momento vigentes: instalaciones militares, acuartelamientos, almacenes operativos,..”
“Fijar en determinados ámbitos incluidos en terrenos del Ministerio de Defensa, usos residenciales con una edificabilidad de 0,30 m2/m2”

A PROPOSTA. A veciñanza da Coruña precisamos que os nosos esforzos se dirixan á defensa e protección destes terreos, considerando esta cuestión como prioritaria ante os acontecementos que se aproximan.
A privatización dos terreos do Campo da Estrada, está moi lonxe das necesidades reais da poboación. A xestión dos bens patrimoniais non pode obedecer a intereses puramente especulativos.
Unha cidade con máis de 20.000 vivendas baleiras, precisa un plan de rehabilitación e dinamización, non precisa un plan de especulación urbanística.

A Comisión Aberta en Defensa do Común presentou unha moción ao pleno do Concello, cos seguintes obxectivos:

  • Paralizar a poxa e esixir a devolución gratuíta dos terreos ao Concello da Coruña, para o uso público de veciños e veciñas.
  • Modificar o Plan Xeral de Urbanismo para a posta en valor do Patrimonio Urbanístico, Arquitectónico e Arqueolóxico da Coruña, e adecuar os espazos ás necesidades culturais e sociais da cidade, e non ao servizo de intereses especulativos e mercantilistas.
  • Contar coas necesidades e desexos da cidadanía á hora de decidir o futuro dos terreos públicos.

Tamén convidamos aos grupos políticos que conforman o Pleno do Concello, a apoiar as mobilizacións e iniciativas que convoque a Comisión Aberta en Defensa do Común.

Advertisements
Esta entrada foi publicada en Artículos, Convocatorias. Ligazón permanente.

Deixar unha resposta

Please log in using one of these methods to post your comment:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s